ناصر الفراعنة يرثي ابنة

خص الشاعر ناصر الفراعنة أحد ابرز الشعراء المشاركين في مسابقة شاعر المليون في نسختة الثانية موقعه الالكتروني بقصيدة رثاء بأبنه بعد مضي شهرين عن وفاته . وهدا هذة القصيدة إلى زوجتة داعياً الله أن يربط على قلبها وأن يعوضها فيه ويجعله شفيعا لوالدية يوم القيامة .

وهنا نص المقدمة والقصيدة كما وردت في الموقع الخاص بالشاعر :

.. { قد يستغرب الناس كيف يرثي انسان ابنه وقد ولد ميتا ولم يره امامه وليس له ذكريات معه الا انني هنا رأيت ذكريات أغفلها الشعراء وليس هناك من لم تمر عليه وهذه القصيدة رثاء في مولودي وهدية مني إلى أمه ربط الله على قلبها وعوضها فيه وجعله شفيعا لأبويه.

القصيدة مرثية طويلة تعددت اغراضها من رثاء الى تبصر في الزمان الى حكم والفلسفة ] ..

رثـــاء

ما أراني فاعلاً في الليل إن أرخـى سدولـه؟
ما أراني فاعلاً والصبح قد حـان احتضـاره
طفلي اللي مات في اول يوم مـا ذاق الطفولـه
عاجله سهم القدر واختـاره الله فـي جـواره
طفلي اللي مات في غمضة طرف ما حال حوله
يوم عمر الآدمي مـا كـان يومـاً باختيـاره
يا وجودي يوم لفّوا شاحـب الأكفـان حولـه
ما تقـول إلا شظيّـة لؤلـؤٍ داخـل محـاره
يا وجودي يوم أطالع فيه,في عرضه وطولـه
تنتحر في العين منـي دمعـةٍ كنْهـا شـراره
نفس عين آبوي عينه بل ونفس الزول زولـه
وبالأماره, فيه من عمه(شبيـبٍ) كـم أمـاره
جابه الله مثل هتّـان المطـر ساعـة هطولـه
ديمٍ احيـا بهجـة امـه تـارةٍ وآبـوه تـاره
ويوم شاف الشرّ من صوب آهلهْ يشعب ذلولـه
حطّ دون صدورهم صدره من الرحمه ستـاره
ومات توّي مـا بعـد بإيـديّ لبّستـه نعولـه
مات توّي ما بعد ساويـت فـي ثوبـه زراره
كنّ عينه يوم مات تقول:بابا, ويش هـو لـه؟
يوم تبكي وانت تدري مين انا ذلحيـن جـاره!
كلنا راحل وخيـر النـاس مـن زوّد رحولـه
باغتنام الصالحات وكـلّ كسـرٍ لـه جبـاره
طفلي اللي صوّبت كبده قبل ساعـة وصولـه
بندقٍ من عين حاسد واودعت قلبـي طشـاره
يا وجودي ما لقيت أنسـب لمولـودي مقولـه
من مقولة: يا وجه صبحٍ تحرّر مـن خمـاره
أو ثغـر بـرقٍ تهامـيٍّ تبسّـم فـي ثعولـه
ضوح مصباحه عليه يـورّد النجـدي بكـاره
يوم اشيله ما تقول اشيـل شـيٍّ مـن نحولـه
آتشمّم ريحته -من فجعـة القلـب- بحـراره
يوم جيت العب معاه وغاب قلبي مـن ذهولـه
يوم ما شفته تبسّم لي وانـا فـي اول زيـاره
قمت أحدث عنه نفسي- والعرب حولي وحوله-
ليت ما هو ميْتٍ؟إلا ميت! ما تبغـى استشـاره
اتْخنقنـي عبرتـي يـوم آتذكّـر مـا تقولـه
عنه أمّه يـوم أنـا فـي ديـرةٍ ماهيـب داره
[آتذكّر يوم هو فـي بطنهـا يحـرّك رجولـه
وانتعيرّ:ليت ما هـو أقشـرٍ؟ لبّـى القشـاره
كم سهرنا معه ليله كاملـه مـن كبـر هولـه
لين صرنا نعَرْف موعد قومته داخـل قـراره
وان تأخّر ما صحى في موعده قمنـا نصولـه
ننغزه يا من يميـن البطـن وإلا مـن يسـاره
ما نبي شيْ بسْ نبي نضحك على ردّة فعولـه
ننغزه ويفز خايف مـا درى ويـش العبـاره
من يدي غيمة على أيـدي الملائكـة محمولـه
غيمةٍ من نور ما تشبـه نضارتهـا نضـاره
يا إلاهٍ كل ما في الأرض طـراً سبّحـوا لـه
شفّعه فينـا غـداً واجعلـه لابوانـه بشـاره
في نهـارٍ فيـه أعنـاق الشياطيـن مغلولـه
يتلقّفنا مثـل مـا يلقـف الحـاوي صـراره

حكم وفلسفة جاءت غير مرتبه لغاية لديه ...

عشت في الدنيا وهي دنيـا وروغتهـا عجولـه
وخذت منها ما خذا (عامر) و (حاجب بن زراره)
يا فتى خذ من حكم من كل الاشهاد اشهـدوا لـه
حكمة العاقل على راس العصا مثـل الصهـاره
المنايا مخلـبٍ فـي كـفّ نسـرٍ مـن يطولـه
شاح به شوحة حصاةٍ حوّلـت مـع راس قـاره
المنايـا مـن بغـت يـومٍ تنولـه, ابـتنـولـه
لو تشيطر فـي تفاديهـا مهـي لحيـة شطـاره
لولا تفريق المنايـا ضولـةٍ مـا شفـت ضولـه
تجتمـع, يـا للعجـب والهـول بـل ياللإثـاره
موت دوله, لـوّ مـا يعنـي لنـا ميـلاد دولـه
كان ما شفنا اختلافٍ في حضاره عـن حضـاره
لا يغرّك يـا فتـى قفـر تطـارد بـه وعولـه
كمّ مع ساقة وعـل قفـرٍ مشـت لبـوة مغـاره
اخطر الاعداء من يضحك وهو يسـرج خيولـه
واخطر الأصحاب من سرك معه, وتشـق إزاره
فتكتك باللي هو اضعف منك مـا فيهـا بطولـه
البطوله أن يكـن فتكـك بمـن فاقـك جسـاره
قبضة السلطـان مـن لا يـدّرق عنهـا تغولـه
ومن يعاندها تجيبه لـوّ فـي بطـون الجحـاره
خلّ عنك الجدّ مع مـن أمـسٍ آخذتـم زمولـه
مازحه ينسى,فقـد تحيـي سويعـة جـدّ ثـاره
من يحـاول أن يغيّـر ذو ميـولٍ عـن ميولـه
مثل من يسعى إلـى تغييـر نجـمٍ عـن مسـاره
في خروج المرء عن ما حبّ-من قلب- دخولـه
سقطةٌ,والمـرء لا يجـدي بكـارٍ غيـر كــاره
الفشل وقـت النجـاح إيـاك تستبعـد حصولـه
النجاح اكبر فشل إن مـا أخذتـه عـن جـداره
القبـول مـن الله ولا يَحسـد المـرء بقبـولـه
غير ناس مـن حسدهـا تلتـوي بذنيـب فـاره
كـم صديـقٍ بادّعـاء الـود صجّتنـا طبـولـه
والحسد كل الحسد شفنـا علـى وجهـه أطـاره
نية الحاسد لحاف أجرب ولـو جتـك مْغسولـه
ماله الا الحرق لو بـرد الثـلاث يطـق طـاره
كلّ مـا يخفيـه ابـن آدم ولـو حـاول يحولـه
تظهره فلتـة لسـانٍ منـه أو مـالعيـن إشـاره
يا مـدوّر مرجلـة مـن لا ملـك ذرّة رجولـه
يـا مـدوّر إبـرةٍ فـي قشـةٍ كبـر الـزبـاره
إن موت الشعب أن ترحل مـن الفقـرِ عقولـه
الفقر مـا حـلّ فـي شعـبٍ ولا ورّث دمـاره
حاكمٍ مشّى عليـه اربـع ميـة كذبـه رسولـه
انتبـه تصـدق معـه ممكـن يحسّبهـا صقـاره
كم فضولي في العرب ساق له حتفـه, فضولـه
كم طميميـعٍ خسـر دينـار فـي تدويـر بـاره
يوم ولد اللاش ما تطهـر مـن الخيبـه همولـه
الرجـال فعولهـا زادت ملابسـهـا طـهـاره
الفحوله أن يزيدك قُلّ مـا فـي إيـدك فحولـه
والحقاره أن يزيدك كثر ما فـي إيـدك حقـاره
لا تطب بوادي أرضٍ ما حسبت حسـاب غولـه
يـا كـلاك الغـول وإلا يـا تعشّتـك النـمـاره
واعرف انْ ما جاء بْسهوله دايم يـروح بسهولـه
والصعب روحته صعبه والفتى راضـي وكـاره
ليس لـاللحيه وهـي بيضـا علاقـه بالكهولـه
إنما الكهل الحقيقفـي مـن فقـد معنـى وقـاره
كم عزيـزٍ أورده حـوضٍ مـن الذلـه خمولـه
والترف في بيت أصحاب الشرف يعني انهيـاره
بالأُسُل لا بالكسل ما طـال مـن شـيءٍ تطولـه
تدرك الأمجاد قسـراً غـارةٍ فـي إثـر غـاره
كـم مخاليـق تهابلـهـا ولا هـيـب مهبـولـه
لبّست راس الغبي- من حيث لا يدري- غضـاره
لا تثق في واحـدٍ ترشـح مـن الهيْنَـه سمولـه
النذل يبقـى نـذل لـو يرفعـك فـوق المنـاره
كم دنـيءٍ بالفلـوس اشيـوخ نجـدٍ وقفـوا لـه
في رجا ما في يده ما يجلس إلا فـي الصـداره
المراجل سيل مـن عنـده مـن الدنيـا سيولـه
كم شريـفٍ مـن فقـر جيبـه يخلّونـه عيـاره
ما ينال العـزّ مـن نفسـه مـن العـزّه جفولـه
الثنا يوخـذ بأطـراف القنـا مـا هـو طـراره
اتّحمّـل مـا يواجهـهـا منبّـشـة الدحـولـه
في الهبايا ما يعطّـل مـن جمـع بـدوٍ عشـاره
(المغولي) بالمسـاواه أعظمـوا أمـره مغولـه
(والفزاري) بالمحابـاه احقـروا أمـره فـزاره
الزمن هـذا كتـاب جـاء فـي آخـر فصولـه
شعب كامل قـد تشـوّه هيكلـه نشـوة زقـاره
الجهاله في تجاهل من عليـك اوصـى جهولـه
كـل خُلـق بغيـر وقتـه لا أرى فيـهِ نعـاره
ليث واحد ممكن يـدوّخ بلـد عرضـه وطولـه
والف قرد وقرد ما فكّـت مـن بعيـرٍ هجـاره
ليس من شرط الشهامه أن تجـاول كـل جولـه
أو بـأن تنـزل بأعلـى قمـة رغـم الوعـاره
فالأسد يبقى الأسد في قـاع كـل ارضٍ نزولـه
والوباره دايمٍ في اعلى الجبـل وهـي الوبـاره
قل لبعل السوء عمر الضرب مـا أثبـت بعولـه
رغـم ليـن المـاء قطراتـه يشقّـنّ الحجـاره
في اقتفاء المجـد تابـع لا تكـن نفسـك ملولـه
يدرك الصعبات من لا نام راسـه مـن عـواره
كم رجل من زود حذره نفسـه اليـوم مختولـه
بل ومن نفس الشيَ اللي يحذره واخفـق فـراره
واحدٍ يـزرع بـلا قصـدٍ وتثمـر لـه حقولـه
وواحدٍ يزرع وهـو قاصـد ولا يجنـي ثمـاره
زارع المعروف يرجي من ورا الناس محصولـه
ليس معروفه بمعـروفٍ قـدر مـا هـو تجـاره
رغم فقري كم ولد نعمه -غني وبخيـر- اعولـه
لإن ابوه معلّمـه كيـف يْحَفِـظ قرشـه مهـاره
يا فتى دوك النصايح أخذها مـا ابغـى عمولـه
استفـد منهـا وأفِـد علـمٍ أعرتـه لـك إعـاره
خذه واتركنـي لأنّ الليـل قـد أرخـى سدولـه
حان وقت مْعَـاوَدَة ميـلاد طفلـي واحتضـاره

» المبدع ناصر الفراعنه(دثريني يامنيره)